Hörmətli müştərilər,
Diqqətinizə çatdırırıq ki, Azərbaycan Respublikasının Vergi Məcəlləsinin 102.1.22-ci maddəsinə əsasən, 2016-cı il fevralın 1-dən etibarən 7 il müddətində fiziki şəxslərin banklarda yerləşdirdiyi əmanətlər üzrə faiz gəlirlərinin gəlir vergisindən azad edilməsi barədə güzəştin müddəti cari ilin 01 fevral tarixində bitmişdir.
Bununla əlaqədar olaraq, həmin tarixdən etibarən fiziki şəxslərin əmanətləri və plastik kartlardakı əmanət vəsaitləri üzrə ödənilən illik faiz gəlirlərindən ödəmə mənbəyində 10% dərəcə ilə vergi tutulacaqdır.
Həmçinin bildiririk ki, 1 fevral 2023-cü il tarixədək hesablanmış, lakin əmanətçilərə ödənilməmiş faizlər onların ödənilmə tarixindən asılı olmayaraq gəlir vergisinə cəlb edilməyəcək.
