Dövlət bankı Azər Türk Bank müştərilərinin rahatlığı istiqamətində işlərini davam etdirir.
Belə ki, müştərilərin ixtiyarında olan güvənli, istifadəsi rahat atb360 mobil əlavəsinə Bank tərəfindən yeni funksiyalar artırılmışdır:
• Cari hesablar üzrə əməliyyatların lenti;
• Bildiriş xidmətini aktiv və deaktiv etmək imkanı;
• Balansın gizlədilməsinin yeni üsulu;
• Cüzdanda cari hesabları göstərməmək imkanı.
Eləcə də, 01 may 2023-cü il tarixdən etibarən, kredit kartları istisna olunmaqla, bütün növ ödəniş kartları vasitəsilə aparılan əməliyyatlar üzrə məlumatlar atb360 mobil tətbiqində, tamamilə ödənişsiz olaraq, Push-bildiriş şəklində göndəriləcəkdir. Qeyd edək ki, müştərilər tərəfindən istənilən vaxt bildiriş xidmətinin SMS və ya Push formasında olması aktiv yaxud deaktiv edilə bilər. SMS-bildiriş tərcih edildiyi təqdirdə müştərilər bu xidmətə abunə ola bilərlər. 3D Secure və OTP üzrə SMS bildirişlər əvvəlki qaydada ödənişsiz olaraq göndəriləcək.
Xatırladırıq ki, hər bir şəxs atb360 tətbiqini mobil telefonuna yükləməklə atb kartı ödənişsiz olaraq birbaşa tətbiqin daxilində sifariş verə bilər.
