sualınız var? biz cavablandırarıq

faydalı məlumat

• kimlər əldə edə bilər?

  güzəştli ipoteka kreditlərini aşağıda qeyd olunan şəxslər istifadə edə bilər:

  • gənc ailənin üzvü olan aşağıdakı şəxslər: 

  Şəhidin övladları;

  Azərbaycan Respublikasının Vətən Müharibəsi Qəhrəmanının övladları;

  Azərbaycanın Milli Qəhrəmanının övladları;

  məcburi köçkün və ya ona bərabər tutulan şəxs;

  ən azı 3 il dövlət qulluğunda qulluq edən, o cümlədən dövlət qulluğunun xüsusi növündə xidmət keçən şəxs;

  ən azı 3 il dövlət ümumtəhsil müəssisəsində müəllim işləyən şəxs;

  fəlsəfə doktoru elmi dərəcəsi olan şəxs;

  idman sahəsində xüsusi xidmətləri olan şəxs (fəxri bədən tərbiyəsi və idman xadimi, ölkə miqyaslı yarışların qalibi (I yer), beynəlxalq miqyaslı yarışların mükafatçısı    (I, II və ya III yer);

  ən azı 5 il jurnalist işləyən və Media Reyestrinə daxil edilmiş şəxs.

  • elmlər doktoru elmi dərəcəsi olan şəxs;
  • ən azı 15 il dövlət qulluğunda qulluq edən şəxs, o cümlədən dövlət qulluğunun xüsusi növündə xidmət keçən şəxs;
  • ən azı 3 il hərbi xidmətdə olan (müddətli həqiqi hərbi xidmətdə olan hərbi qulluqçulardan başqa), həmçinin ehtiyata və istefaya buraxılmış Azərbaycan Respublikasının hərbi qulluqçuları(“Hərbi vəzifə və hərbi xidmət haqqında” Azərbaycan Respublikası Qanununun 41.0.6-cı, 41.0.7-ci, 41.0.8-ci, 41.0.10-cu, 42.0.3-cü, 42.0.4-cü və 42.0.5-ci maddələrində nəzərdə tutulan hallarda ehtiyata və ya istefaya buraxılmış hərbi qulluqçular istisna olmaqla);
  • ən azı 3 il daxili işlər orqanlarında xidmət keçən xüsusi rütbəsi olan şəxs;
  • ən azı 3 il elmi vəzifədə işləyən elmi işçilər;
  • ən azı 15 il dövlət ümumi təhsil müəssisəsində müəllim işləyən şəxs;
  • ən azı 15 il jurnalist işləyən və Media Reyestrinə daxil edilmiş şəxs.
    şəhid ailəsinin üzvü (əri/arvadı).
  • Azərbaycan Respublikasının Vətən Müharibəsi Qəhrəmanı (özü, əri/arvadı).
  • Azərbaycanın Milli Qəhrəmanı (özü, əri/arvadı).

  qeyd: güzəştli ipoteka kreditindən istifadə etmək hüququ olan ailə və ya şəxs bu hüquqdan yalnız bir dəfə istifadə edə bilər.

• tələblər

  Azərbaycan Respublikasının İpoteka və Kredit Zəmanət Fondunun hesabına verilən ipoteka kreditləri üzrə tələblər:

  • kredit Azərbaycan manatı ilə verilir
  • kredit Azərbaycan Respublikasının vətəndaşına (tezidentlərə) verilir
  • ipoteka predmeti olaraq yalnız yaşayış sahəsi olan daşınmaz əmlak çıxış edə bilər
  • kreditin məbləği güzəştli ipoteka kreditləri üzrə kreditin verildiyi tarixə ipoteka ilə yüklü edilən daşınmaz əmlakın bazar qiymətinin 70%-dək verilir
  • ipoteka kreditləri üzrə ödəniləcək aylıq məbləğ borcalanın (birgə borcalanın) aylıq məcmu gəlirinin maksimum 70%-dək götürülür
  • borcalanın (birgə borcalanın) və onun ailəsinin həyatı və fəaliyyəti ilə əlaqədar müntəzəm ödənişlər hər bir ailə üzvünün saxlanılması üçün xərc (yaşayış minimum) 230 AZN götürülür
  • kreditin son ödəniş tarixinə borcalanın yaşı qanunvericiliklə müəyyən olunmuş pensiya yaş həddinədək götürülür
  • ipoteka ilə yüklü edilən daşınmaz əmlak fond tərəfindən təsdiq olunmuş siyahıya daxil olan və onunla əməkdaşlığa dair müqavilə bağlamış müstəqil qiymətləndirici tərəfindən qiymətləndirilir
  • ipoteka saxlayanın hüquqları qanunvericiliklə müəyyən edilmiş qaydada dövlət qeydiyyatına alınır
  • kredit üzrə əsas borc və hesablanmış faizlər hər ay bərabər hissələrlə (annuitet ödənişlər) ödənilir
  • ipoteka ilə yüklü edilmiş daşınmaz əmlakın bazar qiyməti əsas götürülərək ipoteka ilə təmin edilən kreditin həcmindən az olmamaq şərtilə səğortalanır
  • borcalanın (birgə borcalanın) həyat sığortası bankın əməkdaşlıq etdiyi və fond tərəfindən təsdiq olunmuş siyahıya daxil olan sığorta şirkətləri tərəfindən sığortalanır və sığorta onların ipoteka kreditinin məbləği hesablanarkən gəlirlərinin xüsusi çəkisinə proporsional qaydada aparılır, birgə borcalanların həyat sığortasının ümumi məbləği ipoteka krediti məbləğindən az olmamaqla hesablanır
  • həmçinin fond tərəfindən müəyyən olunan digər tələblər

• ipoteka kreditini əldə etmək üçün necə müraciət etmək lazımdır?

  elektron Hökumət Portalında (www.e-gov.az)  gücləndirilmiş elektron imza (e-imza, asan imza) ilə qeydiyyatdan keçərək “Elektron ipoteka və kredit zəmanət” sisteminə müraciət etmək və siyahıda Azər Türk Bankı seçmək lazımdır

• ipoteka krediti ilə hansı yaşayış sahəsini almaq olar?

  ipoteka krediti, üzərində mülkiyyət hüququ dövlət qeydiyyatına və ya qabaqcadan qeydiyyata alınmış yaşayış sahəsinin, o cümlədən Azərbaycan Respublikasının Mülki Məcəlləsinə uyğun olaraq barəsində təminat qeydi aparılmış tikintisi başa çatmayan binanın yerləşdiyi torpaq sahəsində tərkib hissələrin bağlı olduğu payın alınmasına verilir

• mülkiyyətində yaşayış sahəsi olan şəxs ipoteka krediti ala bilərmi?

  bəli, ala bilər